بقيه سمر حقوق فى ال30

انا الفار العجيب
و طبعا غريبة ان الراوي بتاع الرواية يبقي فار بس عادي عادي
اصل اللي عملوا السمر اختاروا الفار دونا عن بقية الحيوانات كلها علشان محدش هياخد علي كلامي
ما انا في النهاية فار فاااااار قصير بس جبار
اما لية بقي انا الفار الراوي دونا عن بقية الفران فدة لسبب مهم جدا
لان ان الفار العجيب سليل عائلات ميكي ماوس عمي الكبير بيمثل لحد دلوقتي في هوليوود
اما ابويا فكان شهيد شجاعتة اصلة مرة لقي اسد ميت في الغابة عارفين عمل فية اية
جرو من ديلو قدام الغابة كلها و قال هي دي اخرة اي حد يعصبني
اما خالي الصغير و لا الكبير و الا الوسطاني
اقعد انا احكي عن عالتي و اسيب السمر
و لا اقولكوا السمر اهم
انا هحكيلكو النهاردة حكاية الغابة بس بعد فاصل من فريق الفئران الاشقية
فاصل و احكيلكوا حكاية الغابة و ملك الغابة و مراة ملك الغابة و اولاد ملك الغابة و اصحاب ملك و ولاد اصحاب ملك الغابة و ملك الغابة يا ملك الغابة
( التعارف)
النار هتولع عندنا و الخيمة موجودة في ارضنا
و تعالي يا كوزيكا اجمع هنا تعالي و شوف هنقولك اية
لحن
يا وفود الدورة ابعدوا عني جايلكم جاهز في الفني
و ثقافي و سمر هنغني اما الرياضي نحكيلكو علية
لحن
عبد الحليم عمروا ما فكر دة جوال بمخ تخين
ركبواله فردة سيبيا و يبقي جزامة بدورين
لحن
كلنا حبايب في الغابة
اسلام ابو ضحكة كدابة
نورس واقف علي السبابة
مؤة مش عارف يغني اية
لحن
و ادي محسن واقف بيهلل
يا اخوانا بلاش اكل مخلل
طلبة بينام و يتحلل
ما تيجي يا علاء دور علية
لحن
النار هتولع عندنا و الخيمة موجودة في ارضنا
و تعالي يا مهدي اجمع هنا تعالي و شوف هنقولك اية
لحن
اسمعوا سمرنا للاخر
اللي مش عجبوا هيتاخد
دنيتنا مليانة مساخر
متقول يا زوووم هنعمل اية
.......................................

الفار :على باب عرين الملك
الفيل : يا ملك الغابة يا ملك الغابة يا غضنفر يا سبع اليل و النهار
مرات الملك ( نجوي) : في اية يا فيل
الفيل : هو الاسد مش هنا
نجوي: لا مش هنا
الفيل : طب مفيش اي حاجه اي نفحة
نجوي: فية يا فيل انا كنت مجهزله غزالتين و حمار وحشي و ورك خرتيت
الفيل :: و بقية الخرتيت راح فين؟
نجوي: اية يا فيل انت ملكش مزاج و الا اية
الفيل : يعني اروح اجهز نفسي و اجي؟
نجوي: بسرعة يا فيل يا اسرع فيل بسرعة يا دروجبا يا ابو راس و ركبية
الفار: و بعد قليل يجي الفيل
الفيل: يا مرات الملك يا مرات الملك انتي يااااااااااااااااااااااااااااااااه ...............يا مرات الملك اخش و لا ايه؟؟؟
الاسد: اية يا فيل اية اللي جابك في وقت زي دة
الفيل متلعثما : جاي يا مولاي اقدملك نفسي وجبة بالهنا و الشفا
الاسد : عبيط ده و لا اية على العموم كويس انك جيت يا نجوي تعالي احضرينا
نجوي : امرك يا ملك ..... ازيك يا فيل
الاسد : انا جمعتكوا النهاردة علشان انا هخطب في الغابة بكرة و مش عارف هقوال اية
الفيل : قول اي حاجة انت لو قلت اي حاجة محدش يقدر يفتح اي حاجة
نجوي : صحيح يا ملك قول اي حاجة اقولك غير الدستور
الاسد : دستور اية يا نجوي بس والله فكرة بس الدستور دة بيتغير فية اية ؟ دة زمن زي الزمن بالظبط هو الزمن بيتغير فية اية؟
نجوي: غير نظام الغذا الاكل يعني خلي الغابة كلها تاكل طوب
الاسد "طوب اية بس هي الحيوانات اللي هتاكل طوب مش هنرجع ناكلها تاني بس و الله فكرة انا هعلن عام 2007 عام الجميز هعبر بالغابة الي زمن الجميز
الفيل : جميز ايه يا ملك طب انا و النمور و الفهود هناكل جميز
الاسد : نبقي نفكر لكوا في حل يا انياب الملك بس انا اعلنت ان الزمن دة زمن الجميز - زمن الجميز- زمن الجميز
(الدينية)
من يوم مبعدت قلوبنا عنك لقينا الالام
و نسينا انا اتخلقنا في قلوبنا نور الايمان
لكن
قلبي في طريق رضاك
هيفوت
و يعدي كل الصعاب
و ان يوم الدنيا بينا ضاقت جنبك نلاقي الامان
و سماك مفتوحة لينا يا رب بالتوبة و الغفران
بالتوبة و الغفران
بالتوبة و الغفران
بالتوبة و الغفرااااان